Mbërritëm në Nairobi herët në mëngjes, rreth orës 4 dhe filluam aventurën tonë. Sapo zbritëm na u desh të prisnim në një rradhë të gjatë për të kontrolluar Deklaratat Elektronike që kishim bërë përpara se të niseshim nga Shqipëria. Për të siguruar aksesin në internet u përballëm me një rradhë tjetër në sportelin e Safaricom në aeroport. Bleva një paketë me 20 Gb, të cilat ishin të mjaftueshme për qëndrimin tonë 11-ditor në Kenia. Safaricom ka shërbim të mirë 5G pothuajse kudo, madje edhe në zona të largëta si Maasai Mara dhe bregdeti. Ne kemi instaluar gjithashtu aplikacionin M-Pesa, e cila mundëson dëgimin e parave dhe pagesa të ndryshme përmes celularit. Kjo ishte vërtet e dobishme sepse përdorimi i kartave të kreditit ndonjëherë kishte komisione ekstra.
Fillimisht, shkuam në Sallonin e Flokëve Rapunzel në Westlands, afër vendit ku kishim rezervuar, Taarifa Suites, për të bërë gërsheta Slim Box. U desh shumë kohë, nga ora 6:30 e mëngjesit deri në 14:30, por ia vlejti sepse gërshetat dukeshin të shkëlqyera. Në ato çaste ishim të rraskapitura, kështu që u shkuam në hotel për të pushuar para se të dilnim për darkë.
Meqenëse na këshilluan të mos ecnim vetëm në rrugë gjatë natës, morëm një Uber për të shkuar tek restoranti Carnivore, të cilin e kishim rezervuar disa ditë më parë. Sigurohuni që shoferi t’ju ndalojë në vendndodhjen e duhur sepse mund të jetë e ndërlikuar për t’u gjetur. Mos prisni që shoferi ta dijë vendin, Nairobi është i madh dhe ky restorant njihet kryesisht nga turistët, jo nga vendasit. Carnivore është një vend interesant dhe ofron paketën e ushqimit pa limit për 30 dollarë, duke përjashtuar pijet. Stafi ishte shumë i organizuar dhe profesional dhe atmosfera ishte gjithashtu ishte e përsosur. Kamarierët vinin përqark duke ofruar pjata të ndryshme mishi për ti degustuar. Ndër të tjera ne provuam mishin e krokodilit, i cili kishte shije si një përzierje peshku dhe pule, dhe mishin e strucit, i cili ishte i ngjashëm me pulën, por me një detaj unik. Kështu përfundoi mbrëmja jonë e parë në Nairobi.
Ne i kaluam pesë ditët e ardhshme në një safari, historitë e të cilit mund ti gjeni këtu.
Kur u rikthyem në Nairobi, vizituam Nairobi Street Kitchen në mbrëmje. Kaluam seksionin e sigurisë dhe u ndodhëm në një atmosferë fantastike feste. Kishte muzikë të mirë dhe stenda të ndryshme që ofronin pica dhe lloje të tjera ushqimesh të shpejta dhe të shijshme. Pavarësisht se quheshin ushqim “rruge”, këto kioska kishin kuzhina të mira dhe ishin shumë të pastra, kështu që nuk kishte asgjë për t’u shqetësuar. Brenda hapësirës është një vend i lezetshëm me një pistë vallëzimi dhe dyqane që shesin gjëra të lezetshme afrikane. Një vend që nuk duhet humbur!
Pas një nate të çmendur, të nesërmen u zgjuam në orën 5:30 të mëngjesit për aventurën e radhës jashtë qytetit për “Vrapimin e ëmbël të Shën Valentinit”. Shoferi i Uber provoi të na e bënte me hile duke na kërkuar të anulojmë udhëtimin në aplikacion dhe të paguajmë përmes M-Pesa. Është më mirë të mos pajtohesh me oferta të tilla; përvoja jonë nuk ishte e këndshme. Shoferi po përgatiste terrenin për të na kërkuar më shumë para.
jë eveniment vrapi në Kenia është gjithmonë me pjesëmarrje të madhe. Në këtë rast u organizua në një resort të bukur të rrethuar nga natyra. U takuam me organizatorin, i cili ishte shumë miqësor, dhe na tha se ata organizojnë një aktivitet të tillë vrapi me tema të ndryshme çdo tre muaj. Unë aksidentalisht u bashkova me grupin e vrapuesve të 31K dhe përfundova duke vrapuar 11K në vend të 8K për të cilën isha regjistruar, por megjithatë më pëlqeu shumë edhe pse duhej shumë përpjekje për të vrapuar në lartësinë 2100 m, aq më tepër në malore. Më pëlqeu shumë fakti që nuk e quanin garë. Të gjithë ata që mbaruan vrapin morën një medalje, por ata nuk dhanë çmime të veçanta për tre vendet e para.
Pas këtij aktiviteti, bëmë një dush në hotel, hëngrëm mëngjesin dhe vizituam Tregun Maasai. Ishte më i vogël nga sa e kisha imagjinuar, por kishte sende të panumërta për të blerë, si: vathë, varëse, tekstile, rroba dhe sende të ndryshme për dekorimin e shtëpisë. Ndërsh shumë gjëra dhe dhurata për miqtë në Tiranë, bleva edhe një stol të vogël lëkure.
Më poshtë po ndaj disa këshilla nëse vizitoni Maasai Market:
- Bring enough cash because things are cheap, and you can buy lots of gifts.
- NEGOTIATE, NEGOTIATE, NEGOTIATE
- Keep your money and phone safe because it’s very crowded.
- It’s a good idea to buy many of one item from one seller and then go to another seller for different items.
- You might spend around three hours shopping and bargaining
Pas tregut, paketuam gjërat në hotel dhe u përgatitëm për udhëtimin me tren për në Mombasa, i cili ishte të nesërmen në mëngjes. Biletat e klasit të parë ishin shitur, kështu që kishim blerë biletat e zakonshme. Arritëm pak me vonesë dhe duhej të nxitonim përmes kontrolleve të sigurisë. Na kontrolluan valixhet si në aeroport dhe më pas i rrjeshtuam çanta përpara vetes ku erdhën 2 qen për të nuhatur secilën prej tyre. Sidoqoftë, arritëm të hipnim në tren për udhëtimin tonë që do të zgjaste rreth 6 orë.
Ky udhëtim në Nairobi na tregoi gjallërinë e qytetit dhe vendet argëtuese.
